गिनीज बुक म जेखर नाम हे दर्ज , वहु करे हे छत्तीसगढ़ी फिलिम म डांस

जी हां हमन बात करत हन मशहूर आइटम डांसर सीमा सिंह के , सीमा सिंह पहली अईसे आइटम डांस गर्ल हावे जेन ह सबसे ज्यादा आइटम सॉन्ग करे बर गिनीज बुक म अपन नाम दर्ज करवाये हे।खास बात ये हे कि वो ह छत्तीसगढ़ी फिलिम म घलोक आइटम सॉन्ग कर चुके हे ।

वो फिलिम हावे “मोर मया ला राखे रहिबे” एबी फिल्मस के बैनर तले बने ये फिलिम म बॉबी खान मुख्य अभिनेता आए , फिल्म के डायरेक्टर मिथिलेश अविनाश हवे ।

सीमा सिंह विशेष अनुरोध म फिलिम बर तैयार हो रहीस लेकिन ईहां के काम के शैली ले प्रभावित नजर आईस, सीमा ह किहिस कि में छत्तीसगढ़ के बारे में अईसे नई सुने रेहेंव , यहां तो भोजपुरी इंडस्ट्री से अच्छा काम होता हैं ।इहाँ के डांस डायरेक्टर अउ टेक्निकल टीम के तारीफ घलोक करे हे सीमा सिंह ह।