ट्रक अउ बाइक म जोरदार भिड़ंत ले तीन घायल, 2 के हालत गंभीर

जांजगीर-चांपा. डभरा थाना इलाका के घोघरी नायक टाडा (सुखापली) गांव के पास शुक्रवार के ट्रक अउ मोटरसाइकिल म जोरदार टक्कर होगे। ये हादसा म मोटरसाइकिल सवार तीन झन घायल हो गए, जेमा दू झन के हालत ह गंभीर बताए जात हे।

अइसे जानकारी मिले हे कि शुक्रवार के संझा ट्रक ह रायपुर ले लोहा लेके राऊरकेला कोती जात रिहिस, इही दौरान गांव घोघरी नायक टाडा (सुखापली) के पास ट्रक ले मोटरसाइकिल टकरा गे, जेखर ले मोटरसाइकिल म सवार तीन झन घायल हो गे। हादसा म घायल तीनों झन गांव मेढापाली के रहवइया बताए जात हे, जेखर पहचान कमल, सूरज, आशीष के रूप म करे गे हे। ट्रक चालक के नाम संजय वर्मा अउ मालिक के नाम मनोहर शर्मा रायपुर बतावथ हे।