एक कुंटल गांजा के संग दू आरोपी गिरफ्तार, बागबहरा पुलिस ह करिन कार्रवाई

महासमुंद। बागबाहरा पुलिस ह एक कार ले कई लाख रूपिया के गांजा जब्त करे हे। संग म दू झन आरोपी ल घलो गिरफ्तार कर पूछताछ करत हे। दूनो आरोपी ह हरियाणा के रहवईया हरे।

अइसन जानकारी मिले हंवय कि पुलिस ह एनएच-353 म एक सफेद रंग के कार ले एक कुंटल गांजा बरामद करिन हे। जब्त गांजा के कीमत कीमत 5 लाख रूपिया आंके गे हे। पुलिस ह मामले म पलवल हरियाणा के रहवईया आरोपी नारायण उर्फ सोनू पिता ओमबीर शर्मा 30 साल अउ संदीप मेथिल पिता वीरेन्द्र मेथिल 24 साल ल गिरफ्तार कर नारकोटिक्स एक्ट के तहत कार्रवाई करे गिन हे।