बड़ी खबर: छत्तीसगढ़ म अउ बनही सात नवा जिला, भूपेश सरकार ह संभाग आयुक्त मन ले मंगाईस प्रस्ताव

रायपुर. नवा जिला बनाए बर भूपेश सरकार के कवायद ह तेज हो गे हे। बस्तर संभाग ल छोड़ के बाकी सबो संभाग म प्रशासनिक दृष्टिकोण ले पिछड़ा इलाका ल जिला के रूप म पहचान दे जाही। एख्रर बर राज्य शासन ह रायपुर, दुर्ग, बिलासपुर अउ सरगुजा के संभाग आयुक्त ल पत्र लिखे हे। पत्र म नवा जिला के गठन ले संबंधित सबो जानकारी अउ संभाग ले विधिवत प्रस्ताव तियार कर राज्य शासन ल भेजे बर कहे हे। राजस्व अउ आपदा प्रबंधन विभाग के ओर ले लिखे गए पत्र म गौरेला-पेंड्रा, चिरमिरी-मनेंद्रगढ़, प्रतापपुर-वाड्रफनगर, पत्थलगांव, भाटापारा, सांकरा ले बंजारीनाला(फुलझर अंचल) अउ अंबागढ़ चौकी ल अलग जिला बनाए के प्रस्ताव तियार करे बर निरदेश दे गे हे।