प्रधानमंत्री जनमन योजना ले शांति बैगा के पक्का मकान के सपना होइस पूरा
रायपुर। जिला कबीरधाम के अंतर्गत जनपद पंचायत बोड़ला के ग्राम पंचायत सिघनपुरी के आश्रित ग्राम हाथीडोब म निवास करइया शांति बाई बैगा, जेन विशेष पिछड़ा जनजाति बैगा समुदाय ले हे। प्रधानमंत्री जनमन योजना अंतर्गत वित्तीय वर्ष 2023-24 म आवास के स्वीकृति प्रदान करिन अउ प्रथम किश्त के राशि के 40 हजार रूपया आवास स्वीकृति के पश्चात उखर बैंक खाता म ऑनलाईन डी.बी.टी के माध्यम ले करे गिस। प्लींथ स्तर के पश्चात द्वितीय किश्त के राशि 60 हजार रूपया अउ छत स्तर के पश्चात तृतीय किश्त के राशि 80 हजार रूपया उपलब्ध कराए गिस। राशि 20 हजार रूपया जब आवास पूर्ण हो गे, जब ओमन ह अंतिम किश्त के रूप म उपलब्ध कराए गिस, जेखर ले शांति बाई बैगा ह जिला के प्रथम प्रधानमंत्री जनमन आवास ल पूर्ण कराए म बड़ सुविधा होइस। शासन ले घर बनाए बर पैसा मिल गिस अउ घर के काम करे ले एला महात्मा गांधी रोजगार गारंटी योजना (मनरेगा) के तहत 95 दिवस के मजदूरी भुगतान के राशि 23 हजार 850 अउ स्वच्छ भारत मिशन-ग्रामीण के तहत शौचालय निर्माण बर 12 हजार रूपया के राशि अभिषरण के माध्यम ले मिलिस।
आवास के संग-संग शांति बाई बैगा ल विभिन्न योजना जइसन निराश्रित पेशन योजना के तहत 350 रूपया पेंशन, मुख्यमंत्री खाद्यान योजना के तहत राशन सामाग्री सहित अन्य शासकीय सुविधा ले लाभान्वित करे गिस हे। ए प्रकार शासन के ए महत्वपूर्ण योजना ह अपन उपलब्धी ल सार्थक करत विशेष पिछड़ी जनजाती के अइसे परिवार जेमन ह कभु अपन पक्का आवास के ख्वाब देखे बर घलो छोड़ दिन ओमन मुख्यधारा म मुख्यधारा ले जोड़त जमीनी स्तर म अपन सपना पूरा होए परिलक्षित करके दिखायिन हे। शांति बाई बैगा जेन ह एक विधवा एकल महिला होए के संग ही अधिक आयु के हे, जेखर कारण ज्यादा बोले अउ सुने म असमर्थ हे। ओमन ह शासन ल धन्यवाद देवत कहिन हे कि “में कबहूं सोचे नई रहैंव के मोरो जिन्दगी म अब कोई खुशी आ सकही अईसे म मैं अपन सरकार ल धन्यवाद करथ हंव जेन ह मोर जईसे अकेला महिला के अतका मदद करईस के आज मैं ह अपन पक्का के आवास म सुख और सुरक्षित जियत खात हंव।
