जय जोहार। (mahasamund ) धीवर समाज महासमुन्द के भवन म पांच लाख रुपिया के लागत ले शेड के निर्माण करे जाही । आज संसदीय सचिव अउ विधायक विनोद सेवनलाल चंद्राकर ले समाज के पदाधिकारी मन ह मुलाकात कर रिक्त भूमि म शेड निर्माण के मांग करीन । जेमा संसदीय सचिव श्री चंद्राकर ह पांच लाख रुपिया के राशि दे के घोसना करीन । राशि के घोसना म समाज के मनखे मन ह संसदीय सचिव श्री चंद्राकर के आभार जताइन हे ।
आज ढीमर समाज के पदाधिकारी मन ह संसदीय निवास पहुंचके (mahasamund ) संसदीय सचिव अउ विधायक श्री चंद्राकर ले मुलाकात करीन । ए दउरान वो हा बताइन कि महासमुन्द म धीवर समाज के भवन हे , जिहां रिक्त भूमि म शेड निर्माण के जरूरत हे । शेड नई होय ले बरसात अउ गर्मी के दिन म दिक्कत के सामना करे ल पड़त हे अउ शेड निर्माण के मांग करीन। जेमा संसदीय सचिव श्री चंद्राकर ह विधायक निधि ले पांच लाख के राशि दे के घोसना करे हे।
राशि के घोसना म (mahasamund ) ढीमर समाज के अध्यक्ष डोमार धीवर, मंगलू राम धीवर, संतराम धीवर, जगत राम धीवर, कन्हैया धीवर, नारद धीवर, खिलावन धीवर, गोपी धीवर, सुनील धीवर, महेश कुमार धीवर, संतोष धीवर, सूरज धीवर ह संसदीय सचिव श्री चंद्राकर के आभार जताइन हे ।
