बिलासपुर के शिविका पांडेय बनिन राज्य स्तरीय स्केटिंग चैंपियन
चोट के बाद घलो जीतिन गोल्ड
रायपुर, रायपुर के सरोना म स्थित निजी पब्लिक स्कूल के स्केटिंग ग्राउंड म 9 अउ 10 मई 2026 के पहिली ‘छत्तीसगढ़ राज्य स्तरीय रोलर स्पोर्ट्स रैंकिंग चैंपियनशिप’ के सुग्घर आयोजन करे गीस। ए प्रतियोगिता म बिलासपुर के होनहार खिलाड़ी शिविका पांडेय ह अपन प्रतिभा अउ गजब के साहस ला देखावत राज्य स्तरीय चैंपियन के खिताब अपन नाम करिन।
चोट ला मात देके हासिल करिन सोना (स्वर्ण पदक)
शिविका ह 10 ले 12 बछर उमर के ‘ट्वॉय इनलाइन स्केट’ स्पर्धा म हिस्सा लीन। 9 मई के होय 400 मीटर रेस के बखत ओमन ला भारी चोट लग गे रहिस, फेर ओमन हार नई मानिन अउ घायल अवस्था म ही रेस ला पूरा करके कांस्य पदक (Bronze) जीतिन। दूसर ही दिन, उही चोट अउ पीरा के बाद घलो, शिविका ह 200 मीटर रेस म गजब के प्रदर्शन करिन अउ स्वर्ण पदक (Gold Medal) जीत के अपन उमर के ‘ओवरऑल चैंपियन’ बनिन।
परिचय अउ परिवार
शिविका पांडेय ह बिलासपुर के ‘बिरला ओपन माइंड्स इंटरनेशनल स्कूल’ के छठवीं कक्षा के छात्रा अंय अउ ‘रॉयल स्केटिंग क्लब’, बिलासपुर म रोज दिन ट्रेनिंग लेथें। ओकर ए सफलता ले परिवार म खुसी के माहौल हे। शिविका के दाई-ददा सुवास्थ्य (डॉक्टर) छेत्र ले जुड़े हें। ओकर दाई डॉ. श्वेता पांडेय ह आयुर्वेद चिकित्साधिकारी अंय अउ ददा डॉ. विद्या भूषण पांडेय (विभागाध्यक्ष – बालरोग विभाग), शासकीय आयुर्वेद चिकित्सालय महाविद्यालय, बिलासपुर म पदस्थ हें।
ये घलो जाने के लायक हे कि शिविका ह खुद ‘स्वर्ण प्राशित’ (आयुर्वेदिक इम्युनिटी बूस्टर पाय वाली) हें। ओकर ददा डॉ. विद्या भूषण पांडेय ह नियम ले स्वर्ण प्राशन सिबिर लगाके लइका मन के सुवास्थ्य ला सुधारे के काम म लगे रहिथें।
