छत्तीसगढ़ म आज ले खुल गे शापिंग मॉल अऊ रेस्टोरेंट

जय जोहार…. लॉकडाउन लागू होय के तीन महीना बाद आज ले छत्तीसगढ़ के शापिंग मॉल अऊ रेस्टोरेंट ह आम जनता बर खुल गे हे। ऊहचे शापिंग मॉल के अन्दर मल्टीप्लेक्स, गेमिंग जोन अऊ एंटरटेनमेन्ट पार्क ल बन्द रखे के निर्देश ल राज्य सरकार ह दे हे।
प्रदेश सरकार के तरफ ले जारी आदेश के मुताबिक मॉल म सब्बो एहतियात बरते के निर्देश मॉल प्रबंधक मन ल दे गे हे। जेमा ले हर घंटा मॉल ल सेनिटाइज करे जाही।

अवइया-जवइया लोगन मन के थर्मल स्क्रिनिंग करे जाही। ऊहचे मॉल के अन्दर संचालित दुकान ल घलो ए बात के धियान रखे जाही। दुकान म ग्राहक मन के संख्या ह जियादा होय पर ओ मन ल बाहर इन्तजार करे ल घलो केहे जाही।