Chhollywood: काली रिलीज होअईया हे सिंगर विवेक शर्मा के गाना गहना गढ़ाहु दाई
जय जोहार…. (Chhollywood) ए नवरात्र म माता के छत्तीसगढ़ी जसगीत गहना गढ़ाहु दाई ह काली बिहनिया 7 बजे रिलीज होही। ए छत्तीसगढ़ी जसगीत ल विवेक शर्मा ह गाए हे। गीत म संगीत अऊ ताल निर्देशन निलेश शर्मा अऊ लेखक दिलीप पटेल हे।
(Chhollywood) ए गीत म अभिनय जीत शर्मा अऊ दीपाली पांडे ह करे हे। फिल्मांकन, निर्देशन निशांत उपाध्याय, छायांकन राजू देवदास, संपादन अशोक हियाल अऊ पोस्ट प्रोडक्शन दिग्विजय वर्मा क्रिएटिव विजन रायपुर के तरफ ले करे गे हे।
सिंगर विवेक शर्मा ह बताइस कि ओ हा कोशिश करत हे कि स्वयं के कंपोजिशन म गाए। ओ मन ल कुछु अलग करना जादा अच्छा लगत हे, एखर सती ओला लोगन मन के प्यार घलो अलग ही मिलत हे। (Chhollywood) साईं भजन के विषय म ओला नवा-नवा परिकल्पना आवत रहत हे। क्योंकि ओखर ये मानना हे कि बाबा के आशीर्वाद ओखर उपर विशेष हे, एखर सती बाबा स्वयं ओखर अपन भजन कव्वाली बनवात हे।
