भाई ल मिलगे राखी औउ बहिनी ल मिलगे उपहार , लेकिन दुनो के बीच म नोंक झोंक बरकरार

जय जोहार रायपुर…. कुछ दिन ले राखी , उपहार अऊ शराबबंदी के वादा ल ले के राज्य म सियासत चलत हे , मामला शुरू होईस भाजपा के महासचिव सरोज पाण्डेय के राखी भेजे ले दरअसल राखी के बहाना ओमन प्रदेश के मुख्यमंत्री भूपेश बघेल ल प्रदेश म शराबबंदी के वादा याद दिला दिस ,

एति कांग्रेस के नेता मन धडाधड बयान जारी कर के भाजपा ल मोदी के वादा पूरा करवाय के याद दिला दिस , मुख्यमंत्री ह भाई के राखी बंधवाय के नेंग स्वरूप सरोज पाण्डेय ल साड़ी उपहार म भेजवा दिस , तमतमाय सरोज पाण्डेय ह उपहार मिले बर चिठ्ठी के माध्यम ले प्रशन्नता जाहीर करिस अऊ राखी ऊपर राजनीति करे के आरोप ल नकार दिस संगे संग प्रदेश म शराब बंदी के वादा एक बार अऊ याद देला दिस.