छह अऊ कोरोना संक्रमित मरीज ह होइस ठीक, 24 घंटा म 10 मरीज ह स्वस्थ हो के लहुट चुके हे घर

जय जोहार रायपुर। छत्तीसगढ़ बर राहत भरी खबर ह सामने आवत हे। आज फेर कोरोना संक्रमित छह मरीज मन के रिपोर्ट ह निगेटिव आए हे। जेखर बाद अस्पताल ले ओ मन ल डिस्चार्ज कर दे गे हे। एखर पहिली चार कोरोना संक्रमित मरीज मन ल अस्पताल ले छुट्‌टी दे गे रहिस। जेखर बाद 24 घंटा म 10 कोरोना संक्रमित मरीज ह घर लहुट चुके हे। एम्स प्रबंधन ह एखर पुष्टि करे हे। अब सिर्फ 10 मरीज मन के इलाज ह एम्स म चलत हे।

आप मन ल बता देन कि पिछले दिनों मरीज मन के संख्या ह काफी बाढ़े रहिस। प्रदेश म कुल 33 कोरोना पाजिटिव मरीज रहिस, जेमा ले अब सिर्फ 10 मरीज अब अस्पताल म बचे हे। बाकी 23 अपन-अपन घर मन म लहुट चुके हे।