लोकवाणी के छठवां प्रसारण , मुख्यमंत्री ह दिस बड़े बड़े स्वास्थ्य योजना के सौगात

जय जोहार रायपुर.. मुख्यमंत्री भूपेश बघेल ह लोकवाणी के माध्यम ले जनता ले सीधा रु ब रु होथे , ये बार के लोकवाणी ह छठवां कड़ी रिहिस, नवा साल के पहिली लोकवाणी म मुख्यमंत्री ह अपन प्रदेश के जनता ल बड़े बड़े स्वास्थय योजना ले लाभ दे के घोषणा करिस, मुख्यमंत्री ह किहिस कि प्रदेश के पैसठ लाख परिवार बर डाक्टर खूबचंद बघेल स्वास्थ्य योजना के शुरुवात होय हे जेमा हितग्राही ल मुख्यमंत्री विशेष स्वास्थय योजना के तहत बीस लाख रुपया के मदद दे जाहि.

मुख्यमंत्री ह यहू किहिस कि राज्य म बेहतर सिंचाई प्रबंधन बर सिंचाई विकास प्राधिकरण के गठन होय हे अऊ दुर्ग जिला के साजा अऊ मर्रा म नवा कृषि महाविद्यालय खोले जाहि एखर आलावा मुख्यमंत्री ह लोकवाणी कार्यक्रम के माध्यम ले किहिस कि सात हजार शिक्षा कर्मी नियमित करे जाहि अऊ पंद्रह हजार व्याखाता मन के भर्ती घलो पूर्णता के ओर हे.