मोबाइल मिले से एक झन कहिन के भैया तोर नंबर ल एमा डाल, तो दूसर कहिस के घर के चिंता होगे दूर

रायपुर । सासन के संचार क्रांति योजना म रायपुर दकिछ्न विधायक अउ प्रदेस के कृषि एवं सिंचाई बृजमोहन अग्रवाल ह जोन- 6 मठपुरैना समुदाययिक भवन अउ जोन- 5 दीनदयाल उपाध्याय नगर के समुदाययिक भवन म आयोजित कारयक्रम म हितग्राही मन ल स्मार्ट मोबाइल फोन वितरित करिन।
ये दउरान उमन ह लाभारथी मन ले बातचीत घलो करिन अउ ये योजना के बारे म उंकर अनुभव जानिस। इस दउरान लोगन ह खुलके मोबाइल फोन मिले के खुसी जाहिर करिन। मठपुरैना के समुदाययिक भवन म बृजमोहन अग्रवाल ह मठपारा निवासी सरोज यदु ल स्मार्ट फोन देवत कहिन के ये स्मार्ट फोन म बिजली विभाग, नगर निगम, नेता, जनप्रतिनिधि, रिश्ते, नाते सबो के नंबर सेव करके रखबे अउ जरूरत पड़े म संबंधित व्यक्ति ल फोन करबे। तभे सरोज ह तपाक ले कहिन “भैया तोर नंबर ल पहिली एमा डाल दे, तहि त हमर नेता हस” तुहि ल फोन करहु।
सरोज के ये शब्द सुनत ही अग्रवाल अपन हंसी नइ रोक पाइस अउ मुस्कुरात हुए कहिन “ठीक हे मोर नंबर ल तको रख ले दीदी” कोनों मोर लायक काम रहही त कर लेबे फोन” कहत हुए उमन अपन नंबर उंखर मोबाइल म सेव कर लिस। ये योजना के लाभारथी मठपारा निवासी अंजुम कुरैशी, मालती यदु घलो श्री अग्रवाल के हाथ मन ले स्मार्ट फोन प्राप्त करिन। उमन कहिन के पारिवार के लोग नमन ले बात करे म अब सहूलियत होही।
अब इही म बतिया लुहु
दीनदयाल उपाध्याय नगर सामुदायिक भवन म घलो बृजमोहन ह चंगोराभाठा, अश्वनी नगर सहित विभिन्न क्षेत्र के लोगन ल स्मार्ट फोन सउपिन। ये अवसर म चंगोरा भाठा निवासी सलोनी ध्रूव ल स्मार्ट फोन वितरित करत हुए अग्रवाल ह कहिन के ” स्मार्ट मोबाइल फोन तै रखबे के लइका मन ल देबे” तब सलोनी ह कहिन के “भैया मैं ह, शास्त्री मारकीट म बोझा ढोय के काम करथों, मोर तीर मोबाइल नइ रहीस। अब महू ह घर ले बाहिर काम करथों त घर के चिंता लगे रहिथे अब इही म बतिया लुहु”। यहां रूपा बाई ध्रुव, उर्मिला साहू ल घलो बृजमोहन ह स्मार्ट फोन प्रदान करिन। ये अवसर म वन विकास निगम के अध्यक्ष निवास मद्दी, जोन अध्यक्ष सालिक सिंह ठाकुर, केके अवधिया, अनुराग अग्रवाल, राम शिवहरे, मुकेश गंगवानी, मंडल अध्यक्ष बिहारी लाल साहू, चूड़ामणि निर्मलकर, मुकेश पंजवानी समेत नागरिक मन उपस्थित रहिन हे।