जय जोहार…. गरियाबंद जिला के ग्राम बरूला के पैरी नदी म वन्य प्राणी तेंदुए के खाल के संग आरोपी ल पुलिस ह ग्राहक बन के गिरफ्तार कर ले हे। खाल के कीमत ल 10 लाख रूपिया बताय जावत हे। ऊहचे पुलिस अधीक्षक ह पूरा टीम ल 10 हजार रूपिया इनाम दे के घोसना करे हे।
पुलिस अधीक्षक भोजराम पटेल ह बताइस कि मुखबिर की सूचना पर पीपरछेड़ी के ग्राम कासरपानी कोचईमुड़ा के आखरीपारा निवासी रामनाथ नेताम ह वन्य प्राणी तेन्दुआ के खाल ल बिक्री करे बर ग्राहक के तलाश म गरियाबंद के ओर जावत रहिस।
सूचना पर अतिरिक्त पुलिस अधीक्षक सुखनंदन राठौर ल निर्देशित कर थाना प्रभारी कोतवाली आरके साहू के संग प्रधान आरक्षक अंगदराव, चूड़ामणी देवता, आरक्षक दीप्तनाथ प्रधान, आरक्षक सुशील पाठक, जयप्रकाश मिश्रा ल ग्राम बारूला के ओर रवाना करिन।
ग्राम बारूला के पैरी नदी के किनारे तेन्दुआ के खाल ल बिक्री बर ग्राहक के तलाश करत हुये मिलिस। ए दौरान आरक्षक चूड़ामणी देवता ल ग्राहक बन के संबंधित व्यक्ति के पास भेजे गिस। करीब एक घंटा के बाद खाली हाथ आइस अऊ पचास हजार रूपिया के मांग करिस। ए दौरान पुलिस की टीम ने आरोपी ल गिरफ्तार कर लिस।
Other Articles
