कोंडागांव। नक्सलवाद के दामन थाम चुके पति ल एक महिला पुनरवास नीति म समरपन करवाना चाहत रहिस हे, लेकिन जब उंखर पति समरपन बर नइ मानिस त ओह जहर पीके अपन जान दे दीस। घटना मर्दापाल थाना क्षेत्र ग्राम नेड़वाल म घटिस। घटना के पुष्टि करत हुए पुलिस अधीक्षक डॉ अभिषेक पल्लवा ह बताइन कि ग्राम नेड़वाल क्षेत्र म रमेश कोर्राम गोलावांड एलओएस के सक्रिय नक्सली हे। ओकर उपर मर्दापाल थाना म कतको नामजद मामला घलोक पंजीबद्घ हे। नक्सल संगठन म रहत हुए वो ह परिवार ले दूर हो चुके हे।
येकर सेती ओकर पत्नी सोनमती सोरी परेसान रहत रिहिस हे। सोनमती के जब रमेश ले मुलाकात करय त वो ह ओला नक्सलवाद छोड़ समरपन करके बर कहत रिहिस हे, जेकर ले पूरा परिवार विकास के राह म चल सकय। लेकिन वो ह पत्नी के बात अनसुना कर देत रहिस हे, येकर ले दूनों के बीच कलह घलोक रहे लगिस। पति ल बार-बार समरपन बर मनाय ले नइ मानय ले आखिरकार पत्नी सोनमती ह जहर पीके आत्महत्या कर लीस।
