chhattisgarh म अब तक 1.74 लाख मीट्रिक टन धान के होइन खरीदी

जय जोहार। मुख्यमंत्री भूपेश बघेल के नेतृत्व म छत्तीसगढ़ सरकार डहार ले प्रदेस म धान खरीदी के महाभियान 01 नवम्बर ले प्रारंभ हे । ये अभियान 31 जनवरी 2023 तक चलही । प्रदेस म अब तक किसान मन ले समर्थन मूल्य म लगभग 1 लाख 74 हजार मीट्रिक टन धान के खरीदी करे गेहे । 9 नवम्बर के किसान मन ले 55 हजार 707 मीट्रिक टन धान के खरीदी करे गेहे। धान के एवज म किसान मन ल बैंक लिंकिंग व्यवस्था के तहत अब तक 375.11 करोड़ रुपिया के भुगतान जारी कर दे गेहे।

खाद्य विभाग के सचिव टोपेश्वर वर्मा ह बताइन कि धान बेचइया किसान मन ल बुधवार के 23,682 टोकन जारी करे गे रिहीन । टोकन तुंहर हाथ एप्प डहार ले 2687 टोकन जारी करे गए रिहीन। अवइया दिन के खरीदी बर राज्य म धान उपार्जन बर 22,317 टोकन अउ तुंहर हाथ एप के जरिये 2,469 टोकन जारी करे गेहे ।

खाद्य सचिव श्री वर्मा ह बताइन कि पिछले बछर के तरह ए बछर घलो मुख्यमंत्री भूपेश बघेल के निर्देश म धान खरीदी के संगेसंग कस्टम मिलिंग बर धान के उठाव प्राम्भ हो गेहे ।