chhattisgarh : कस्टम मिलिंग बर अब तक 97.66 लाख मीटरिक टन धान के होगे उठाव, पढ़व
जय जोहार…. (chhattisgarh) राज्य म कस्टम मिलिंग बर 11 अप्रैल तक 97.66 लाख मीटरिक टन धान के उठाव हो गेहे । राज्य सरकार डहार ले केन्द्रीय पूल म चावल जमा कराय के मामला म घलो तेजी ले काम करे जात हे । अब तक केन्द्रीय पूल म 35.85 लाख मीटरिक टन चावल जमा कराय गेहे, जेमा भारतीय खाद्य निगम म 18.97 लाख मीटरिक टन अउ नागरिक आपूर्ति निगम म 16.88 लाख मीटरिक टन चावल सामिल हे ।
खाद्य सचिव टोपेश्वर वर्मा ह बताइन कि (chhattisgarh) मुख्यमंत्री भूपेश बघेल के पहल म ए बछर धान खरीदी के संग उठाव अउ कस्टम मिलिंग के काम तेजी ले सुरु करा दे गेहे। राज्य म अब तक डीओ अउ टीओ के माध्यम ले 97.66 लाख मीटरिक टन धान के रिकार्ड उठाव हो गेहे ।
श्री वर्मा ह बताइन कि 75 लाख 07 हजार मीटरिक टन धान के डीओ ल जारी कर दे गेहे । उपार्जन केन्द्रों ले मिलर्स डहार ले 74 लाख 76 हजार मीटरिक धान के उठाव कर ले गेहे । अइसने 23 लाख 9 हजार मीटरिक टन धान के परिवहन बर टी.ओ. जारी करे गेहे , जिसके विरूद्ध समिति ले 22 लाख 91 हजार मीटरिक टन धान के उठाव हो गेहे ।
उल्लेखनीय हे कि खरीफ विपणन बछर 2021-22 म पंजीकृत 21 लाख 77 हजार किसान मन ले समर्थन मूल्य म लगभग 98 लाख मीटरिक टन धान के खरीदी करे गेहे । (chhattisgarh) धान खरीदी के एवज म किसान ल बैंक लिंकिंग व्यवस्था के तहत लगभग 20 हजार करोड़ रुपिया के भुगतान करे गेहे ।
