chhattisgarh : धान खरीदी के बने हे नवा रिकार्ड, राज्य म अब तक धान खरीदी के आंकड़ा ह 94.57 लाख मीटरिक टन ले जादा, पढ़व
जय जोहार…. (chhattisgarh) छत्तीसगढ़ राज्य म समर्थन मूल्य म धान खरीदी के चालू सीजन म 94.57 लाख मीटरिक टन धान खरीदी के नवा रिकार्ड बने हे। पिछले सीजन 2020-21 म आज के स्थिति म 92.803 लाख मीटरिक टन धान के खरीदी होय रिहीन।
गत बच्छर आज के तिथि तक (chhattisgarh) 20.54 लाख किसान मन ह धान बेचे रिहीन। ए बच्छर 21.38 लाख किसान मन ले 94.57 लाख मीटरिक टन ले जादा धान के खरीदी करे गेहे। धान खरीदी के एवज म अब तक किसान मन ल बैंक लिकिंग व्यवस्था के तहत 17,906.33 करोड़ रुपिया जारी कर दे गेहे ।
उल्लेखनीय हे कि (chhattisgarh) किसान मन के मांग अउ जरूरत ल ध्यान म रखत हुए किसान के सहुलियत बर मुख्यमंत्री भूपेश बघेल ह धान खरीदी के तिथि ल एक ठीन सप्ताह अउ बढ़ाय के निर्णय लीन हे। अब पंजीकृत किसान मन ले 7 फरवरी तक धान खरीदे जाही। राज्य सरकार ह ए बच्छर 24 लाख ले जादा किसान मन ले 105 लाख मीटरिक टन धान खरीदे के लक्ष्य ल रखे हे।
