अतना बड़े जीत म अतना तो बनथे, महामंत्री अऊ अध्यक्ष ह एक दूसर के मुहं मीठा करीन

जय जोहार रायपुर…ये नजारा हे राजिव भवन रायपुर के जिन्हा पी सी सी के महामंत्री गिरीश देवांगन अऊ संचार विभाग के प्रमुख ह एक दूसर के मुहं ल मीठा करत हे, काबर कि पूरा राज्य म कांग्रेस ल एक बड़े जीत मिले हे,नगरिय निकाय मन म जादा से जादा अध्यक्ष अऊ महापौर विजय होईस हे.

प्रदेश कांग्रेस कमेटी के महामंत्री अऊ अध्यक्ष ह ये जीत ल सब्बो कार्यकर्ता  के जीत किहिस अऊ मुख्यमंत्री भूपेश बघेल के संग काग्रेस के प्रदेश अध्यक्ष मोहन मरकाम के मार्गदर्शन के जीत बताइस, दूनो ह किहिस कि हमर सरकार विकास, सुरक्षा अऊ विशवास के मूलमंत्र ल चलत हे जेखर पायदान धीरे धीरे बाढत हे,जीत के ख़ुशी म राजीव भवन प्रांगन म जिन्दाबाद के नारा,मिठाई वितरण अऊ बाइट दे के सिलसिला लगातार चलत रिहिस.