राज्य म काली मुनगा पौधरोपण के विशेष अभियान, स्कूल अउ आंगनबाड़ी केन्द्र म रोपे जाही पौधा

जय जोहार…. वन विभाग ह 6 जुलाई के राज्य भर म मुनगा पौधरोपण के विशेष अभियान ल चलाही। एखर तहत प्रदेश के सब्बो शासकीय स्कूल, आंगनबाड़ी केन्द्र अउ छात्रावास-आश्रम म मुनगा के पौधा के रोपण करे जाही।
वन मंत्री मोहम्मद अकबर हे बताइस कि ए अभियान ल मुख्यमंत्री भूपेश बघेल के कुपोसण मुक्त छ्त्तीसगढ़ के परिकल्पना ल साकार करे म अहम भूमिका निभाही। राज्य शासन के तरफ ले संचालित ए महत्वपूर्ण अभियान ल शासन-प्रशासन के संगेसंग जनप्रतिनिधि अउ आम नागरिक मन के सहयोग ले सफल बनाना हे।
ए महत्वपूर्ण कार्य ल अभियान के रूप दे बर राज्य भर म एक ही तारीख छह जुलाई तय करे गे हे। वो हा कहिन कि मुनगा ह हमर मन के सेहत बर बड़ अकन फायदेमंद हे। राज्य के स्कूल, आंगनबाड़ी केन्द्र अउ छात्रावास-आश्रम म एखर रोपण ले मुनगा के सहजता ले उपलब्धता होही।