chhattisgarh : 15 बछर ले जादा उमर के टीकाकरण म प्रदेस के औसत राष्ट्रीय औसत ले जादा, पढ़व

जय जोहार । (chhattisgarh) कोरोना संक्रमण ले बचाव बर प्रदेस म मनखे मन के तेजी ले टीकाकरण करे जात हे । कोविड टीकाकरण के राज्य नोडल अधिकारी डॉ. प्रियंका शुक्ला ह बताइन कि कोरोना संक्रमण ले बचाव बर प्रदेस म 15 बछर ले जादा आयु के 99 फीसद मनखे मन ल कोरोना वैक्सीन के पहला डोज़ अउ 83 फीसद मनखे मन ल कोरोना वैक्सीन के दूनों टीका लगाय जा चुके हे ।

वो हा बताइन कि (chhattisgarh) प्रदेस म 15 बछर ले ऊपर उमर वर्ग के टीकाकरण के औसत राष्ट्रीय औसत ले जादा हे । राष्ट्रीय स्तर म एखर औसत पहला अउ दुसरइया डोज़ बर 96 फीसद अउ 83 फीसद हे।

(chhattisgarh) राज्य म 15 बछर ले जादा के करीबन शत-प्रतिशत अउ 15 ले 18 बछर के 69 फीसद जनसंख्या ल पहला टीका लग गेहे । इहां 18 बछर ले जादा के दो करोड़ 15 लाख 44 हजार 268 मनखे अउ 15 ले 18 बछर के 11 लाख 38 हजार 967 किसोर ल कोरोना वैक्सीन के पहला टीका लगाय जा चुके हे ।

प्रदेस म एक करोड़ 76 लाख 74 हजार 281 मनखे मन ल कोरोना ले बचाव के दुनों टीका लगाय जा चुके हे । दूनों उमर वर्ग म पहला, दुसरइया अउ प्रिकॉसन डोज ल मिलाके प्रदेस भर म अब तक (8 अप्रैल तक) कुल तीन करोड़ 96 लाख 64 हजार 568 टीका लगाय गेहे ।