रायपुर. पीडीएस अउ केरोसीन म केंद्र सरकार ह कटौती कर दे हे, जेखर विरोध म कांग्रेस पार्टी ह 7 जुलई के बाद विधानसभा सत्र के दउरान राज्यभर म जिलास्तर म धरना परदर्शन करही. ये जानकारी कांग्रेस के नवा प्रदेश अध्यक्ष मोहन मरकाम ह आज राजीव भवन म पत्रकार मन ले चरचा करत बतईस.
इही दउरान प्रदेश अध्यक्ष मोहन मरकाम ह कहिन कि पार्टी के संगठन ल मजबूत बनाए बर बस्तर अउ चित्रकूट के दौरा करिंगे अउ पदाधिकारी मन ले नगरीय निकाय चुनई ल लेके चरचा करबो. प्रदेश अध्यक्ष ह केंद्र सरकार उपर तंज कसत कहिन कि इहां के जनता के संग केंद्र सरकार ह लगातार छल करत हे.15 साल म रमन सिंह ह प्रदेश के धुरिया इलाका म बिजली पहुंचाए म असफल रिहिस हे.
केरोसीन ल लेके मुख्यमंत्री भूपेश बघेल ह प्रधानमंत्री नरेंद्र मोदी ल चिटठी लिखे हे, जेमा ओ ह केरोसीन के आबंटन ल बढाय बर प्रधानमंत्री ले मांग करे हे, ऐखर कांग्रेस पार्टी ह समर्थन करत हे.
No Comment! Be the first one.