जय जोहार। (chhattisgarh )जांजगीर-चांपा जिला के ग्राम पिहरिद के बोरवेल म लगभग 65 फीट नीचे गिरे राहुल के सफलतापूर्वक रेस्क्यू ऑपरेसन कर निकाले अउ ओखर इलाज बर मुख्यमंत्री डहार ले करे परयास के प्रति आभार प्रकट करे बर राहुल के परिजन अउ जांजगीर-चांपा के ग्रामीण मन ह मुख्यमंत्री ले मुलाकात करीन ।
(chhattisgarh ) मुख्यमंत्री ह ए मउका म बड़का घोसना करत हुये राहुल के स्पीच थैरेपी अउ ओखर सिक्षा के पूरा जिम्मेदारी ल उठाय के बात केहे हे। संगेसंग राहुल के परिवार के आर्थिक परिस्थिति ल धियान म रखत हुये 5 लाख रुपिया के आर्थिक मदद करे के घोसना घलो करीन । मुख्यमंत्री ह राहुल के परिजन ल रोजगार दे के घलो निर्देस दीन।
ए मउका म मुख्यमंत्री निवास कार्यालय परिसर म राहुल के परिजन ह मुख्यमंत्री के सम्मान करीन । संगेसंग जांजगीर-चांपा ले आय ग्रामीण अउ जनप्रतिनिधि ह घलो राहुल के मामला म मुख्यमंत्री के संवेदनसीलता के प्रसंसा करत हुये ओमन ल धन्यवाद ज्ञापित करीन । ए अवसर म चन्द्रपुर विधायक रामकुमार यादव, तेलघानी बोर्ड के अध्यक्ष संदीप साहू, शाकम्भरी बोर्ड के अध्यक्ष रामकुमार पटेल समेत जांजगीर-चांपा ले आय आने आने समाज के प्रतिनिधि अउ पदाधिकारी उपस्थित रिहीन ।
No Comment! Be the first one.