chhattisgarh म समर्थन मूल्य म अब तक 63.86 लाख मीट्रिक टन धान के होइन खरीदी

जय जोहार । छत्तीसगढ़ (chhattisgarh ) म धान खरीदी महाभियान के तहत समर्थन मूल्य म किसान मन ले अब तक 63.86 लाख मीट्रिक टन धान के खरीदी करे गेहे । जेन राज्य सरकार डहार ले ए बछर 110 लाख मीट्रिक टन धान खरीदी के लक्ष्य के 69 प्रतिशत हे । धान खरीदी के एवज म राज्य के 15.93 लाख किसान मन ल 13,283 करोड़ रुपिया के भुगतान ल बैंक लिंकिंग व्यवस्था के तहत करे गेहे ।

(chhattisgarh ) खाद्य विभाग के सचिव टोपेश्वर वर्मा ह बताइन कि ए बछर राज्य म 25.92 लाख किसान मन के पंजीयन होए हे , जेमा लगभग 2.26 लाख नवा किसान सामिल हे । राज्य म धान खरीदी बर 2600 उपार्जन केन्द्र बनाए गेहे । सामान्य धान 2040 रुपिया प्रति क्विंटल अउ ग्रेड-ए धान 2060 रुपिया प्रति क्विंटल के दर ले खरीदे जात हे ।

अधिकारी मन ह बताइन कि 21 दिसम्बर के लगभग 58 हजार किसान मन ले 2 लाख मीट्रिक टन ले जादा धान के खरीदी करे गेहे , एखर आलावा ऑनलाइन प्राप्त टोकन के जरिए किसान मन ले लगभग 74 हजार टन धान के घलो खरीदी होए हे । (chhattisgarh ) अवइया दिवस के धान खरीदी बर 71,290 टोकन अउ ”टोकन तुंहर हाथ एप” के जरिये 15,137 टोकन ऑनलाइन जारी करे गेहे ।