राज्य के पहिली अइसे मामला जेमा राज्यपाल लिस संज्ञान , गिस सुपेबेड़ा दिस अपन फोन नम्बर

दीपक बावनकर@रायपुर कई दिन ले राज्य के मीडिया जगत म एक खबर ह लगातार चर्चा के विषय रिहिस , खबर ये कि देवभोग ले लगे सुपेबेडा गाँव म लगातार किडनी के मरीज मिळत हे अऊ ओ मन ल समुचित उपचार घलो नई मिल पात हे , धूर गाँव होय के कारन उन्हा डॉक्टर भी नई हे अऊ इलाज के आभाव म लोग मरत हे

जब ये खबर राज्य के प्रथम नागरिक तक पहुंचिस त ओमन उन्हा जा के स्थिति के जायजा लेना चाहिस त शासन अऊ प्रशासन म हडकंप मच गे , राज्य के प्लेन ह ख़राब होय के कारण राज्यपाल ह कार ले सुपेबेड़ा जाय के बात किहिस लेकिन मुख्यमंत्री ह अपन हेलीकाप्टर में जाय के अनुरोध करिस अऊ राज्यपाल संग स्वास्थ्य मंत्री टी .एस .सिंहदेव घलो गिस

उन्हा राज्यपाल ह देखिस कि लोगन मन खराब पानी पिए बर मजबूर हे अऊ सही इलाज के आभाव म किडनी के मरीज लगातार सामने आवत हे अऊ तो अऊ मरीज के संग आये वाला व्यक्ति बर कोई व्यवस्था नई होय ले ओमन ल निजी अस्पताल म उपचार कराना पडत हे

राज्यपाल ह उन्हा सब ल अपन फोन नम्बर दिस अऊ किहिस कि जरूरत म एमा फोन लगा सकत हो आप मन संगे संग सब अधिकारी मन ल निर्देशित करे गिस कि साफ़ पानी अऊ उचित इलाज के व्यवस्था तत्काल करे जाय .