” रोमियो गंवई के ” डबिंग होगे ख़तम , अब होही म्यूजिक के काम , लॉक डाउन म दे जाही अंजाम
जय जोहार रायपुर…फाइट मास्टर ले निर्देशन के क्षेत्र म कदम राखे बीरबल पाणिग्रही के पहिली फिलिम “रोमियो गंवई के” के डबिंग के काम लगभग पूर्ण होगे हे , भिलाई के स्वर स्टूडियो म फिलिम के कलाकार गुलशन साहू , हेमा शुक्ला, प्रतिभा चौहान अऊ मोनिका जैन ह अपन भाग के डबिंग ल पूरा कर ले हे ,
निर्देशक बीरबल ह किहिस कि फिल्म के शूटिंग अऊ एडिटिंग अच्छा होय हे अब म्यूजिक घलो दमदार बनाना हे , मोला यकीन हे कि ये फिलिम दर्शक मन ल जरुर पसंद आही काबर कि एमा एक प्रेम कहानी ग्रामीण परिवेश म देखाय गे हे अऊ फाइट सीन निर्देशित करत करत मोला मौक़ा मिलिस त में एमा अच्छा काम करे के कोशिश करे हंव, बता दन कि ये फिलिम के निर्माता लखन देवांगन हे.
