ये वजह ले अभिभावक मन म खुसी के लहर दिखत हे

कांकेर । सासन के डाहर ले आदेस जारी करे गिस हे कि, अब हर ब्लॉक के एक सरकारी स्कूल म इंग्लिश मीडियम म पढ़ाई करवाई जाए। एला लेके सिक्षा बिभाग ह तइयारी घलो सुरु कर दिस हे। एकर ले अभिभावक मन म घलो खुसी के लहर दिखत हे। काबर कि कउनो कउनो दाई-ददा लइका मन ल अंग्रेजी स्कूल म नइ पढ़ा सकय, फेर अब ओमन के लइका अंग्रेजी म पड़हीं। एला लेक कांकेर के जवाहर वार्ड के सासकीय प्राथमिक साला अऊ माध्यमिक साला के चयन इंग्लिश मीडियम बर करे हे। अइसन ही जिला म कुल 14 सरकारी बिद्यालय म अब इंग्लिश मीडियम म पढ़ाई होही। अइसन ही जिला म दूसर 6 ब्लॉक म घलो एक प्राथमिक साला अऊ एक माध्यमिक साला के चयन इंग्लिश मीडियम बर करे गिस हे। जिला सिक्षा अधिकारी टी आर साहू ह बताइस कि, इंग्लिश मीडियम स्कूल म पढ़े बर कउनो भी आवेदन कर सकत हे। स्कूल म सीट के आधार म चयन करे जाही…।