एक सब इंस्पेक्टर निलंबित अउ इंस्पेक्टर ल कारण बताओ नोटिस जारी

रायपुर। डीजीपी ह दू झन पुलिस अधिकारी मन ऊपर अनुसासनात्मक कार्रवाई करिन हे। एक झन सब इंस्पेक्टर ल तत्काल प्रभाव ले निलंबित करिस हे। उंहे एक इंस्पेक्टर ल कारण बताओ नोटिस जारी करे गिन हे।

जानकारी के मुताबिक दूनों अधिकारी ह अपन तबादला के बाद सुकमा अउ नारायणपुर म पोस्टिंग के नवा स्थान म ड्यूटी करे म विफल रिहिन। जेकर बाद डीजीपी डीएम अवस्थी ह अनुसासनात्मक कार्रवाई करत सब इंस्पेक्टर सूर्यकांत भारद्वाज ल निलंबित कर दिस अउ इंस्पेक्टर प्रेमप्रकाश अवधिया ल कारण बताओ नोटिस जारी करिन हे।