पांच लाख होगे सब्सक्राइब्रर, यू ट्यूब के मिलिस अवार्ड, छत्तीसगढ़ के नाम करिस रोशन

जय जोहार रायपुर…छत्तीसगढ़ के सबले जुन्ना केसेट कम्पनी सुन्दरानी वीडियो वर्ल्ड ल आज के यू ट्यूब अवार्ड मिले हे, जेला लेके जम्मो कला जगत म हर्ष हे, बता दन कि सुन्दरानी कम्पनी ह लगातार वी एच एस के ज़माना ले गीत संगीत अऊ फिलिम के बुता करत हे.

जब ले यू ट्यूब के ज़माना आय हे तब ले इन्हा ले लाखो गीत, फिलिम अऊ अलबम रिलीज होय हे, लगातार दर्शक मन के संख्या म इजाफा होय ले आज ये संख्या पांच लाख सब्सक्राइब्रर तक पहुँच गे हे, एखर सेती यू ट्यूब चेनल वाले मन सुन्दरानी वीडियो वर्ल्ड ल अवार्ड दे हे जेखर ख़ुशी काका ह साझा करिस.

एखर बर सुन्दरानी बंधू मन अपन दर्शक मन ल बधाई दिस अऊ अपन स्टाफ ल धन्यवाद करिस, ये पहिला मौक़ा हे जब ये अवार्ड कोनो क्षेत्रीय चेनल ल मिले हे.