Chhollywood: पहिली छत्तीसगढ़ी वेब सीरीज म नजर आही लक्षित झांझी, राजस्थानी सिनेमा के बाद जल्दी छत्तीसगढ़ी सिनेमा म घलो करही डेब्यू
जय जोहार…. (Chhollywood) अपकमिंग स्टार लक्षित झांझी ह नवा प्रोजेक्ट ल ले के छत्तीसगढ़ी सिनेमा म अपन कैरियर प्रारंभ कर दे हे। ए वेब सीरीज म लीड हीरो के रूप म नजर आही, जेखर नाम हे लव के चक्कलस। ए वेब सीरीज के निर्देशक कौशल उपाध्याय अऊ लेखक अंशुल अवस्थी हे।
बता देन कि (Chhollywood) लक्षित झांझी ह सिनेमा के विधिवत शिक्षा ल साउथ सुपर स्टार नागार्जुन के इंटरनेशनल स्कूल हैदराबाद ले ले हे। लव के चक्कलस एखर पहिली छत्तीसगढ़ी वेब सीरीज हे। खबर आवत हे कि ए वेब सीरीज म लक्षित के अपोजिट जागृति सिन्हा हे।
बेहतरीन कलाकार मन के टोली म अंशुल अवस्थी, अनुदया, लिजेंड रजनीश झांझी, अनिल शर्मा, कौशल कुमार उपाध्याय, अमित शर्मा अऊ निखिल हे। ए वेब सीरीज के डीओपी रजत सिंह राजपूत हे। मेकअप रूपा देब के अऊ लाइट खेत्रो दादा संभालत हे।
बतावत जावत हे कि (Chhollywood) पहिली बार पिता-पुत्र ह संग म ए वेब सीरीज म काम करत हे। खबर के मुताबिक ए वेब सीरीज ल की लूथर ले प्रेरित बताये जावत हे।
