भिक्षावृत्ति म रोक लगाय बर टीम होइस गठित, सब्बो चौक-चौराहा म होही चेकिंग

जय जोहार…. राजधानी म भिक्षावृत्ति पर रोक लगाय बर छह-छह सदस्यी तीन टीम ल गठित करे गे हे। टीम म महिला अऊ बाल विकास, चाईल्ड लाईन, बचपन बचाओ आन्दोलन, आभाष अऊ पुलिस शामिल हे। सब्बो चौक-चौराहा म हर तीन घंटा म चेकिंग होही। भिक्षावृत्ति ल करत पकड़े लोगन मन के पुनर्वास करे जाही। अंतरराष्ट्रीय बाल श्रम पखवाड़ा म मिले मामला ल देखत हुये फइसला ले गे हे।
बाल सुरक्षा अऊ विकास अधिकारी नवनीत ह बताइस कि अंतरराष्ट्रीय बाल श्रम पखवाड़ा म उन्मूलन अभियान ल चलाय गिस, जेमा कई मामले ह सामने आय हे। जेला आधार मानत हुये ए फइसला ले गे हे। टीम के गठन करे गे हे, ये टीम ह हर तीन घंटा म सब्बो चौक-चौराहा अऊ सिग्नल के निरीक्षण करही।