Chhollywood: छत्तीसगढ़ी फिलिम कहर म तेजा के किरदार हे दमदार, होवत हे सराहना, पढ़व पूरा खबर

जय जोहार…. (Chhollywood) कोरोना काल सती एकठन लंबा अंतराल के बाद छत्तीसगढ़ म छत्तीसगढ़ी फिलिम के प्रदर्शन ह सुरू हो गे हे। सुरूआती समय म सिनेमा मालिक ह पुराना फिलिम प्रदर्शित करिन। अब नवा फिलिम घलो सिनेमा घर म प्रदर्शित होवत हे।

इहीं कड़ी म विगत दिन (Chhollywood) निर्माता गायत्री राजेश केशरवानी अऊ निर्देशक शिवनरेश केशरवानी के फिलिम एक और लव स्टोरी अऊ निर्देशक एजाज वारसी के फिलिम कहर घलो प्रदर्शित होय हे। दुनो फिलिम ह सिनेमा घर म लगे हे अऊ दर्शक मन के प्यार घलो मिलत हे।

फिलिम एक और लव स्टोरी जिहां सुपर स्टार मन कुरैशी के अभिनय ले सजे फिलिम हे। उहचे कहर ह छोटे बजट के होय के बाद घलो कलाकार मन ले भरे पड़े हे। (Chhollywood) फिलिम कहर म कोनो स्टार कास्ट नई हे अऊ सबो कलाकार मन ह ठीक-ठाक अभिनय करे हे। इहीं कलाकार न म नितेश लहरी ह घलो एक पात्र तेजा के किरदार ल निभाय हे। वइसे त ये पात्र कोनो बड़ अकन बड़े पात्र नई हे, लेकिन नितेश लहरी ह अपन अभिनय ले ए पात्र ल अलग ही स्थान दे दे हे, जेन दर्शक मन ल आकर्षित करत हे।