रमन बोलिन- बीजेपी ह लिस गरीब मन के सुध

रायपुर। मुख्यमंत्री डॉ. रमन सिंह के विकास यात्रा ह आज सोमवार के रायगढ़ जिला के धरमजयगढ़ विकासखंड के ग्राम छाल म पहुंचिस। ये दउरान सीएम ह 59 करोड़ 91 लाख के लागत के 75 कारज मन के सिलान्यास अउ 4 करोड़ 26 लाख के लागत के 3 कारज के लोकारपन करिन। 700 करोड़ के तेंदूपत्ता बोनस बांटे गिस। येखर बाद आमसभा ल संबोधित करत हुए सीएम रमन ह कहिन कि बीजेपी ह गरीब मन के स्वास्थ्य सुविधा बर धियान देवत हे। एक रुपिया म चावल देय के योजना बीजेपी ह बनाय हे।
उज्ज्वला योजना म हितग्राही मन ल घरेलू गैस सिलेंडर दे गेहे। आवइया बेरा म स्मारट फोन घलोक फ्री म दे जाही। पीएम नरेंद्र मोदी ह विकास करे के संकल्प ले हवय। गरीब मन बर कांग्रेस ह कोनो काम नइ करे हे। 60 साल तक सत्ता म रहे के बावजूद उमन बोनस तक नइ दीन।