CM Bhupesh Baghel ह प्रदेस वासी मन ल लोक तिहार छेरछेरा के दीन बधाई
जय जोहार। सीएम भूपेश बघेल (CM Bhupesh Baghel) ह प्रदेस वासी मन ल छत्तीसगढ़ के प्रसिद्ध लोक तिहार छेरछेरा के बधाई अउ सुभकामना दीन हे। ए अवसर म वो हा प्रदेस वासी मन के सुख, समृद्धि अउ खुसहाली के कामना करे हे । सीएम श्री बघेल ह छेरछेरा तिहार के पूर्व संझा म जारी अपन सुभकामना संदेस म किहीन हे कि महादान अउ फसल उत्सव के रूप म मनाए जवइया छेरछेरा पुन्नी तिहार हमर मन के सामाजिक समरसता, दानसीलता अउ समृद्ध गौरवसाली परम्परा के संवाहक हे ।
ए दिन ‘छेरछेरा, कोठी के धान ल हेरहेरा‘ बोलत हुए गांव के लईका, युवा अउ महिला मन ह खलिहान अउ घर म जाके धान अउ भेंट स्वरूप प्राप्त पइसा इकट्ठा करत हे अउ इकट्ठा करे गे धान अउ रासि ले बछर भर बर कार्यक्रम बनात हे । ये नवा फसल के घर आय के खुसी म पौष मास के पूर्णिमा के मनाए जात हे । इही दिन मां शाकम्भरी जयंती घलो मनाए जात हे । पौराणिक मान्यता के अनुसार ए दिन भगवान शंकर ह माता अन्नपूर्णा ले भिक्षा मांगे रिहीन, एखर सेती मनखे मन ह धान के संग साग-भाजी, फल के दान घलो करत हे ।
सीएम ह किहीन कि छत्तीसगढ़ के किसान मन म उदारता के कई ठीन आयाम दिखाई देत हे । इंहा उत्पादित फसल ल समाज के जरूरतमंद मनखे, कामगार अउ पशु-पक्षी बर दे के परम्परा रिहीन हे । मुख्यमंत्री ह किहीन कि प्रदेस के अमूल्य धरोहर अउ पौराणिक परम्पराओं के संवर्धन आय संवहन हो सके, एखर सेती छत्तीसगढ़ सरकार ह छेरछेरा तिहार म सार्वजनिक अवकाश घलो घोसित करे हे।
