जय जोहार। सीएम भूृपेश बघेल (CM Bhupesh Baghel ) ह 25 जनवरी के राष्ट्रीय मतदाता दिवस के अवसर म प्रदेस वासी मन ल बधाई दीन हे । मुख्यमंत्री ह अपन बधाई संदेस म किहीन कि राष्ट्रीय मतदाता दिवस हमन ल प्रजातांत्रिक मूल्य अउ परम्परा ल मजबूत बनाय बर जागरूक करत हे । ये दिन लोकतांत्रिक व्यवस्था ल बनाए रखे बर अधिकार अउ कर्तव्य के बोध करात हे।
मुख्यमंत्री श्री बघेल ह किहीन कि भारत अपन लोकतांत्रिक व्यवस्था बर दुनिया भर म जाने जात हे। हमन सबो के प्राथमिक जिम्मेदारी हे कि हमन अपन लोकतंत्र ल मजबूत करे म अपन भागीदारी निभाएं। सबो नागरिक ल अपन बहुमूल्य मताधिकार के प्रयोग ल पूरा जिम्मेदारी अउ निर्भीकता ले करना चाही। मुख्यमंत्री ह 18 बछर के उमर पूरा कर चुके सबो युवा ले मतदाता सूची म अपन नाव जुड़वाय अउ मतदान प्रक्रिया म सामिल होके गौरवशाली परंपरा के हिस्सा बने के आव्हान करे हे।
