CM Bhupesh Baghel ह करीन 84 करोड़ 41 लाख रुपिया ले जादा के विकास काम के लोकार्पण अउ सिलान्यास

जय जोहार। सीएम भूपेश बघेल (CM Bhupesh Baghel) ह आज रायपुर दक्षिण विधानसभा क्षेत्र के निवासी ल 84 करोड़ 41 लाख रुपिया ले जादा के विकास काम के सौगात दीन । वोहा 9 करोड़ 21 लाख रुपिया ले होवइया विभिन्न काम के सिलान्यास करीन । सीएम श्री बघेल ह 75 करोड़ 20 लाख रुपिया ले जादा के कई जन उपयोगी-पूरा हो चुके काम ल क्षेत्र वासी ल लोकार्पित घलो करीन । ए विकास काम म पीने के पानी के उपलब्धता, स्वास्थ्य, शिक्षा, रोजगार, बिजली ले लेके तालाब अउ शहर सौन्दर्यीकरण के कई ठन काम सामिल हे।

सीएम ह आज दक्षिण विधानसभा क्षेत्र म एक करोड़ 4 लाख रुपिया के लागत ले बीएसयूपी आवास के मरम्मत बर भूमिपूजन करीन । वोहा 27 लाख 71 हजार रुपिया के लागत ले जोन क्रमांक 04 म, एक करोड़ 48 लाख रुपिया के लागत ले जोन क्रमांक 05 म, एक करोड़ 50 लाख रुपिया के लागत ले जोन क्रमांक 06 म अउ एक करोड़ रुपिया ले ज्यादा के लागत ले जोन क्रमांक 10 म होवइया विकास काम के भूमि पूजन घलो करीन ।

पहाड़ी तालाब के जीर्णाेधार का काम ढ़ाई करोड रुपिया के लागत ले होही । मुख्यमंत्री ह जिला चिकित्सालय म 70 लाख रुपिया के लागत ले ट्रांजिट हॉस्टल बनाए , खो-खो पारा सीएचसी म 32 लाख 28 हजार रुपिया के लागत ले 20 बिस्तर अतिरिक्त वार्ड अउ 37 लाख 28 हजार रुपिया के लागत ले 10 बिस्तर आइसोलेशन वार्ड बनाए बर घलो सिलान्यास करीन।

सीएम श्री बघेल ह भाटागांव म 15 करोड़ 86 लाख रुपिया ले बने नवा जल शुद्धिकरण संयंत्र, बैरनबाजार क्षेत्र म 10 करोड़ 20 लाख रुपिया ले बने नवा जलागार अउ वितरण पाइप लाईन, डगनिया क्षेत्र म 8 करोड़ 19 लाख रुपिया ले बने जलागार अउ सुन्दर नगर, लाखेनगर, डिस्ट्रीब्यूशन लाईन, मठपुरैना म 6 करोड़ 95 लाख रुपिया ले बने जलागार अउ वितरण लाईन काम के लोकार्पण करीन । मुख्यमंत्री ह ए दउरान जोन क्रमांक 04 म 35 लाख रुपिया के लागत के, जोन क्रमांक 05 में 4 करोड़ 47 लाख रुपिया के लागत के, जोन क्रमांक 06 म एक करोड़ 70 लाख रुपिया के लागत के विकास काम के लोकार्पण करीन ।