CM Bhupesh Baghel ह राज्य के गैर-अनुसूचित क्षेत्र बर ’मुख्यमंत्री छत्तीसगढ़ी पर्व सम्मान निधि योजना’ के करीन सुभारंभ
जय जोहार। सीएम भूपेश बघेल (CM Bhupesh Baghel) ह आज अपन निवास कार्यालय म आयोजित वर्चुअल कार्यक्रम म राज्य के गैर-अनुसूचित क्षेत्र बर ’मुख्यमंत्री छत्तीसगढ़ी पर्व सम्मान निधि योजना’ के सुभारंभ करीन । ग्रामीण क्षेत्र के तीज-त्यौहार, संस्कृति अउ परम्परा ल संरक्षित अउ संवर्धित करे के उद्देश्य ले ये योजना ल मुख्यमंत्री आदिवासी परब सम्मान निधि योजना के तर्ज म सुरू करे गेहे ।
’मुख्यमंत्री छत्तीसगढ़ी पर्व सम्मान निधि योजना’ ह राज्य के गैर अनुसूचित क्षेत्र के सामुदायिक क्षेत्रो के 61 विकासखंड के 6 हजार 111 ग्राम पंचायत म लागू होही । ए योजना के इकाई ग्राम पंचायत होही । तीज-त्यौहार मनाए बर ए योजना म घलो हरेक ग्राम पंचायत ल दू ठन क़िस्त म 10 हजार रुपिया के रासि दे जाही।
मुख्यमंत्री ह योजना के सुभारंभ के अवसर म योजना के पहलइया क़िस्त के रूप म सबो 6 हजार 111 ग्राम पंचायत ल 5-5 हजार रुपिया के मान ले कुल 03 करोड़ 05 लाख 55 हजार रुपिया जारी करीन । मुख्यमंत्री श्री बघेल ह एखर संगेसंग ’मुख्यमंत्री आदिवासी परव सम्मान निधि’ के अंतर्गत अनुसूचित क्षेत्र के सरगुजा संभाग समेत अन्य अनुसूचित क्षेत्र के शेष 14 जिला के 3 हजार 793 ग्राम पंचायत ल आज पहिला क़िस्त के रुप म 5-5 हजार रुपिया के मान ले कुल 01 करोड़ 89 लाख 65 हजार रुपिया के रासि घलो जारी करीन ।
एखर संग ही ये योजना पूरा प्रदेस म लागू हो गेहे । गौरतलब हे कि मुख्यमंत्री श्री बघेल ह 13 अप्रैल के बस्तर म आयोजित भरोसा सम्मेलन म ’मुख्यमंत्री आदिवासी परब सम्मान निधि योजना’के सुभारंभ करत हुए बस्तर संभाग के 1840 ग्राम पंचायत ल योजना के पहिला क़िस्त के रूप म 5-5 हजार रुपिया के मान ले अनुदान रासि जारी करे रिहीस ।
