शहीद जवान मन के पार्थिव शरीर ल मुख्यमंत्री ह दिन कंधा

दंतेवाड़ा। छत्तीसगढ़ के मुख्यमंत्री विष्णु देव साय, उप मुख्यमंत्री विजय शर्मा अउ कैबिनेट मंत्री केदार कश्यप ह आज दंतेवाड़ा पहुंचिन अउ डीआरजी शहीद जवान मन के पार्थिव शरीर म पुष्प अर्पित करके अउ ओमन ल कंधा देके श्रद्धांजलि दिन। संग म शहीद मन के परिजन मन ले मुलाकात करके शोक संवेदना व्यक्त करिन।

एला लेके सीएम साय ह कहिन कि काली बीजापुर जिला के कुटरू क्षेत्र म नक्सली मन के करे गे, आईईडी ब्लास्ट के चपेट म आए ले डीआरजी के 8 जवान सहित एक वाहन चालक शहीद होगे। ए कायराना हमला न केवल हमर जवान मन उपर, बल्कि लोकतंत्र अउ शांति के मूल्य म प्रहार हे। जवान मन के बलिदान व्यर्थ नइ जाए। नक्सली मन के खात्मा बर अभियान निरंतर जारी रही। कोनो भी हाल म हिंसा अउ आतंक सहन नई करे जाए। हमर सरकार बस्तर संभाग म शांति स्थापित करे बर पूर्णतः प्रतिबद्ध हे अउ मार्च 2026 तक प्रदेश म नक्सलवाद समाप्त होके रही।

बता दन कि सोमवार को नक्सली मन के विस्फोट म आठ सुरक्षाकर्मी शहीद होगे रहिन। ए घटना म उनके वाहन के असैन्य चालक के घलो मौत होगे। जेखर बाद पूरा देश शोक म हे। कुछ बेर पहली गृह मंत्री अमित शाह घलो कहिन कि मार्च 2026 तक देश ले नक्सलवाद समाप्त कर देय जाहि।