जय जोहार। सीएम भूपेश बघेल (CM Bhupesh Baghel) ह 5 अप्रैल के गोधन न्याय योजना के तहत पशुपालक ग्रामीण, गौठान ले जुड़े महिला समूह अउ गौठान समिति ल 5 करोड़ 32 लाख रुपिया के रकम ऑनलाइन जारी करही, जेमा 16 मार्च ले 31 मार्च तक खरीदे गे 1 लाख 45 हजार क्विंटल गोबर के एवज म 2 करोड़ 91 लाख रुपिया के भुगतान करे जाय के संग ही गौठान समिति ल 1.43 करोड़ अउ महिला समूह ल 98 लाख रुपिया के लाभांस रासि सामिल हे ।
गोधन न्याय योजना के तहत 5 अप्रैल के 5.32 करोड़ के भुगतान हितग्राही मन ल करे जाही। जेखर बाद योजना के अंतर्गत हितग्राही ल भुगतान करे जवइया कुल रासि के ये आंकड़ा बढ़के 430 करोड़ 93 लाख रुपिया हो जाही । छत्तीसगढ़ राज्य म 20 जुलाई 2020 ले गोधन न्याय योजना के तहत 2 रुपिया किलो म गोबर के खरीदी करे जावत हे ।
राज्य म 31 मार्च 2023 तक गौठान म 111.04 लाख क्विंटल गोबर के खरीदी करे गेहे । 5 अप्रैल के भुगतान के बाद गोबर विक्रेता ल कुल 222 करोड़ 09 लाख रुपिया, गौठान समिति अउ महिला स्व-सहायता समूह ल कुल 188 करोड़ 43 लाख रुपिया के भुगतान पूरा हो जाही ।
No Comment! Be the first one.