जय जोहार। (chhattisgarh) वन विभाग डहार ले जिला मुख्यालय बलौदाबाजार के तीर कुकुरदी बायपास म शहर बर बनाए जावत सबले बड़का उद्यान कृष्णकुंज विस्तार काम आखिरी चरण म हे। ए पार्क म बड़े बर जिहां ओपन जिम होही त उंहे लईका मन बर झूला अउ बटर फ्लाई पार्क विकसित करे जावत हे। अवइया 15-20 दिन म सबो काम पूरा कर ले जाही।
प्रधान मुख्य वन संरक्षक संजय शुक्ला ह आज अपन एक दिनी प्रवास म बलौदाबाजार- भाटापारा जिला पहुँचीन। वोहा बलौदाबाजार वनमंडल के अंतर्गत कई ठन स्थलो के आकस्मिक निरीक्षण कर विभाग के विभिन्न काम के विस्तार ले जायजा लीन। जेखर तहत वोहा बारनवापारा अभ्यारण्य के अंतर्गत रामपुर म कैम्पा मद ले तईयार घास भूमि, नरवा विकास कार्यक्रम के तहत चैकडेम अउ अन्य संरचना, पकरीद ले कंटारा मार्ग म बनाए गे रपटा निर्माण, देवपुर रेंज म एएनआर सर्वे काम के जायजा लीन अउ कोठारी रेंज म हाथी मित्र दल ले मुलाकात, देव हिल्स म रेस्ट हाउस ल संचालित करइया समिति सदस्य अउ ग्रामीण ले मुलाकात घलो करीन ।
वोहा एखर आलावा अचानकपुर ले चनहट डब्लूबीएम मार्ग, नवागांव स्थित वन धन केंद्र, ग्राम सिनोधा स्थित नदी तट वृक्षारोपण, डोटोपार म मुख्यमंत्री वृक्ष सम्पदा योजना अउ बलौदाबाजार नगर म फेस 2 के तहत तईयार करे जावत कृष्ण कुंज पहुँचके काम के जायजा लीन। श्री शुक्ला ह जिला के अन्य स्थल के घलो निरीक्षण कर नदी तट वृक्षारोपण ल अउ बढ़ावा दे ल केहे हे ।
No Comment! Be the first one.