BJP नेता बोलिस… मुख्यमंत्री 100 बेर नहा लिही फेर घलोक उमन भईसा के जईसे दिखही…

रायपुर. लोकसभा चुनाव 2019 म बयानबाजी के सब्बो मर्यादा मन के हद मन ल नेता पार करत हे. इहीं बीच कर्नाटक के पूर्व बीजेपी विधायक राजू कागे ह विवादित बयान दिस हे. मुख्यमंत्री एचडी कुमारस्वामी के बयान म राजू कागे ह कहिन के, नरेंद्र मोदी गोरा हवय अउ कुमारस्वामी करिया. अगर कुमारस्वामी 100 बेर नहा लिही फेर घलो उमन भईसा के जइसे दिखही. बता देवन, कुमारस्वामी ह कहे रिहिस के, पीएम मोदी अपन चेहरा चमकाए बर मेकअप करवाथे. हमन सिरिफ एक बेर बिहनिया नहाथन अऊ आघू दिन चेहरा धोथन.

कर्नाटक के कागवाड ले बीजेपी के विधायक रहे भरमगौड़ा उर्फ राजू कागे ह कहिन के. प्रधानमंत्री नरेंद्र मोदी गोरा हवय अउ कर्नाटक के मुख्यमंत्री कुमारस्वामी कारिया. अगर कुमारस्वामी 100 बेर नहा लिही फेर घलो उमन भईसा जइसे दिखही. कागे के ये बयान उपर सियासी बवाल हो सकत हे. उंखर ये टिप्पनी ल नस्लीय टिप्पनी माने जात हे.

येखर पहिली मंगलवार के एचडी कुमारस्वामी ह कहि रहिन के, प्रधानमंत्री मोदी रोज बिहनिया उठथे अउ चेहरा म चमक लाए बर मेकअप करथे, फेर कैमरा के आघू आ जाथे, येखर सेती, मीडिया घलो केवल नरेंद्र मोदी ल ही दिखात हे. उहें हमन बिहनिया ले उठके एक बेर नहात हन, अउ अपन चेहरा आघू ही दिन धोथन. ये सेती कैमरा मन म हमार चेहरे अच्छा नई दिखाई देवय अउ हमार मीडिया के दोस्त घलो हमार चेहरा नई दिखाना पसंद करय.