CM Bhupesh Baghel ह प्रदेस वासी मन ल रामनवमी के दीन सुभकामना

जय जोहार । सीएम भूपेश बघेल (CM Bhupesh Baghel) ह प्रदेस वासी मन ल रामनवमी के बधाई अउ सुभकामना दीन हे । ए अवसर म वोहा प्रदेस वासी मन के सुख, समृद्धि अउ खुसहाली के कामना करे हे ।

सीएम श्री बघेल ह किहीन कि छत्तीसगढ़ के कण-कण म मर्यादा पुरूषोत्तम भगवान श्रीराम ह बसे हे । ये हमन सबो बर गरव अउ हर्ष के बात हे कि छत्तीसगढ़ भगवान श्रीराम के ननिहाल रिहीन हे अउ वोहा अपन वनवास के जादातर बेरा ल इंहा बिताइन । वनवास काल के दउरान श्रीराम ह छत्तीसगढ़ म जेन मार्ग ले गुजरे रिहीन , ओला राज्य सरकार ‘राम वन गमन पर्यटन परिपथ‘ के रूप म विकसित करत हे । एखर ले छत्तीसगढ़ के वैभवसाली अतीत अउ धार्मिक महत्व ले देस-दुनिया परिचित हो सकही ।