साजा सरस्वती स्कूल के कारनामा , २६ के जेन जेन बच्चा स्कूल नई आइस ओमन ल २७ के करिस बाहर

जय जोहार रायपुर… दुर्ग के साजा ब्लॉक म सरस्वती स्कूल म २७ जनवरी के वो बच्चा मन ल बाहर कर दिस जेन मन काली मतलब २६ जनवरी के सुबह स्कूल नई आय रिहिस, स्कूल के ये कारनामा ले पालक मन अनभिज्ञ रिहिस काबर कि ओमन ल ये सूचना नई दे गिस, एती बच्चा मन धुप म अपन पालक मन के रद्दा देखत रहिगे , पालक मन स्कूल प्रशासन ले ये हरकत के कारण खफा हे ऊंखर मन के कहना हे कि कार्यवाही करतेव लेकिन हमन ल बता देतेव त हमर बच्चा मन परेशान नई होतिस.