डीकेएस अस्पताल म अब तक नई होइस पंचनामा, परिजन भटके बर मजबूर

रायपुर. डीकेएस अस्पताल म बुधवार के बिहनिया एक महिला ह इलाज के दउरान दम तोड़ दिस. मऊत के बाद शव के पंचनामा नई हो पाइस हे. परिजन बिहनिया ले ही पुलिस चऊकी के चक्कर लगाके थक गिन. लेकिन उंखर बात कोनो नई सुनीस.

परेसान परिजन मन ह बताइन के, बिहनिया 7 मऊत होईस हे. अभी तक हॉस्पिटल म सव रखे हवय. लेकिन पंचनामा बर पुलिस नई पहुंचिस हे. हमन हॉस्पिटल प्रबंधन अउ पुलिस चऊकी के चक्कर काटे म मजबूर होना पडिस. सारखी कोलर गांव निवासी तामेश्वरी पति कृष्णा साहू ह 13 अप्रैल के मिट्टी तेल उड़ेल के खुद ल आग लगा लीस. उंखर पति ह आग बुझाए के कोसिस करिस, जेमा वो ह लगभग 30 प्रतिसत झुलस गे हे. उंखर डीकेएस म इलाज जारी हे.

मजिस्ट्रेड लेवल म होथे पंचनामा
ये मामले पर अस्पताल चऊकी पुलिस ह अपना पल्ला झाड़ दिस. उमन बताइस के, ये तरह के मामला म स्थानीय पुलिस पंचनामा करथे. मजिस्ट्रेड लेवल म पंचनामा होने हे. अस्पताल चऊकी म पंचनामा नई हो सकय.

टोनही प्रताड़ना के लगिस आरोप
मृतका के चाचा दुष्यंत साहू ह तामेश्वरी ल टोनही बताके प्रताड़ित करे के आरोप लगाइस हे. उमन बताइन के तामेश्वरी के दू महिना बच्ची के मईत हो गिस. येखर बाद उंखर सास अउ देवरानी लगातार अपन बच्ची ल बुरी नजर लगाके मार डाले के बात कहिके प्रताड़ित करत रिहिस हे.