छत्तीसगढ़ के पंचम विधानसभा के बजट सत्र 8 फरवरी ले…..जिला कलेक्टर ह दिस अधिकारी-कर्मचारी मन ल निरदेस

संजू गुप्ता

कवर्धा। छत्तीसगढ़ के पंचम विधानसभा के पहिला बजट सत्र शुक्रवार 8 फरवरी ले शुक्रवार 8 मार्च 2019 तक होही। विधानसभा सत्र के दउरान प्राप्त विधानसभा प्रसन मन के जानकारी तत्काल फैक्स अउ विशेष वाहन ले भेजना पड़थे। । सत्र के दउरान तत्काल कार्यवाही बर  जिला कलेक्टर अवनीश कुमार शरण ह अधिकारी-कर्मचारी मन ल  निरदेस करिन हे।

जारी निरदेस मन  म विधानसभा सत्र के दउरान कोनो भी अधिकारी या कर्मचारी बिना कलेक्टर के पूर्व अनुमति के किसी भी प्रकार ले अवकास कार्यालय नइ खेड़ सकही।  विधानसभा प्रश्न मन के उत्तर, जानकारी प्रेषित करे बर अपन अपन कार्यालय म नोडल अधिकारी नियुक्त करय अउ नोडल अधिकारी के नाम फोन नम्बर, मोबाइल नम्बर ले जिला कार्यालय ल अवगत कराए जाए।

विधानसभा सत्र के दउरान जे भी विधानसभा प्रश्न प्राप्त होथे, ओखर जानकारी निर्धारित समय के अंदर भेजे जाए। ओखर बर अपन-अपन कार्यालय म एक पंजी संधारित करव अउ जानकारी प्राप्त होय म जवाब भेज जाए तक के संपूरन जानकारी इन्द्रांज कराव अउ पंजी हमेसा अद्यतन रख‌ । विधानसभा प्रश्न भेजे के, लंबित रहे के, उंखर समयावधि आदि के नोडल अधिकारी प्रतिदिन समीक्षा घलो करय।

विधानसभा ले प्रश्न  प्राप्त होथे तव उंखर जानकारी भेजे जाथे, ए जानकारी के एक प्रति जिला कार्यालय अधीक्षक साखा ल अवश्य भेजव।  विधानसभा प्रश्न के उत्तर भेजत समय पूर्व म ओखर विषय म प्रेषित उत्तर अउ जानकारी ल अवश्य अध्ययन कर लेय जाएं, ताकि कोनो विरोधाभाष या भ्रम नइ रहय।