chhattisgarh : गांव के पुराना गौरव ल फेर स्थापित करना प्रदेस सरकार के हे लक्ष्य- भूपेश बघेल
जय जोहार…. (chhattisgarh) मुख्यमंत्री भूपेश बघेल ह किहीन कि खेती-किसानी ल मजबूत बना के अउ हरेक हाथ ल काम दे के गांव के पुरान गौरव ल फेर ले स्थापित करना प्रदेस सरकार के लक्ष्य हे। वो हा किहीन कि ग्रामीण अर्थव्यवस्था ल मजबूत बनाय बर राजीव गांधी किसान न्याय योजना, सुराजी गांव योजना, गोधन न्याय योजना जइसे कदम उठाए गे हे।
श्री बघेल आज अपन निवास कार्यालय ले छत्तीसगढ़ राज्य कृषक कल्याण परिषद के नवनियुक्त पदाधिकारी मन के पदभार ग्रहण के वर्चुअल कारीकरम ल सम्बोधित करत रिहीन। ए अवसर म मुख्यमंत्री बघेल ह महेन्द्र कर्मा के जयंती पर ओमन ल नमन करीन।
कारीकरम म (chhattisgarh) कृषक कल्याण परिषद के उपाध्यक्ष महेंद्र चंद्राकर, सदस्य बसंत टाटी, नागेंद्र नेगी, संजय गुप्ता, भगवान पटेल, जानकीराम सेठिया, नंद कुमार पटेल, डेहराराम साहू, खम्मन पटेल, जगदीश दीपक, शरद यादव, श्रवण चंद्राकर, चुन्नी लाल वर्मा अउ शशि गौर ह पदभार ग्रहण करीन।
कारीकरम म मुख्यमंत्री निवास म कृषि एवं जल संसाधन मंत्री रविन्द्र चौबे, छत्तीसगढ़ राज्य खनिज विकास निगम के अध्यक्ष गिरीश देवांगन अउ बीज निगम के कार्यालय म सहकारिता मंत्री डॉ.प्रेमसाय सिंह टेकाम, खाद्य मंत्री अमरजीत भगत, छत्तीसगढ़ (chhattisgarh) कृषक कल्याण परिषद के अध्यक्ष सुरेन्द्र शर्मा, छत्तीसगढ़ राज्य गौ सेवा आयोग के अध्यक्ष महंत रामसुंदर दास, छत्तीसगढ़ बीज विकास निगम के अध्यक्ष अग्नि चंद्राकर अउ छत्तीसगढ़ योग आयोग के अध्यक्ष ज्ञानेश शर्मा ह उपस्थित रिहीन ।
