जय जोहार। (chhattisgarh) मुख्यमंत्री भूपेश बघेल ह बुधवार के मनेन्द्रगढ़ विधानसभा के ग्राम पाराडोल म भेंट-मुलाकात कार्यक्रम म सामिल होइन। ए अवसर म वो हा किहीन कि गौठान म सबले अधिक वर्मी कम्पोस्ट बनइया अउ बेचइया समूह ल पुरस्कृत करे जाही। पहला तीन स्थान म अवइया समूह ल प्राईज देही ।
(chhattisgarh) मुख्यमंत्री भूपेश बघेल ह छतीसगढ़ महतारी के पूजन कर कार्यक्रम के सुरुवात करीन । पाराडोल म गृह मंत्री ताम्रध्वज साहू, राजस्व मंत्री जयसिंह अग्रवाल अउ मनेन्द्रगढ़ विधायक डॉ. विनय जायसवाल घलो मौजूद रिहीन । ए कार्यक्रम के सुरुवात म मुख्यमंत्री ल साफ़ा पहनाके ओखर पारम्परिक स्वागत करे गीन ।
ए अवसर म सीएम ह किहीन कि मेहा जमीनी स्तर म योजना के क्रियान्वयन ल देखे बर आय हंव । (chhattisgarh) जनप्रतिनिधि ह विधानसभा म योजना ल बनात हे , त अधिकारी ओला क्रियान्वित करत हे। योजना के लाभ मनखे मन ल मिलत हे या नई, एखर पता लगाय ल अधिकारी मन ल संग लेके आय हंव । कार्यक्रम के दउरान नीलोफर नायक ह बताइन कि डेयरी के व्यवसाय करत हों अउ गोबर बिक्री कर 6000 रुपिया महीना कमात हों । तेंदूपत्ता संग्राहक खोंगापानी के ओमप्रकाश रजवाड़े ह बताइन कि 4000 मानक बोरा रेट मिलत हे , जेन पूरा देस म सबले जादा हे ।
