वाहन चैकिंग म कार सले मिलिस 11 करोड़…सीट में छुपा रहिस हे रकम  

महासमुंद। महासमुंद के एक कार ले करीब 11 करोड़ रुपिया बरामद करे गिस हे.

अतना बड़ संख्या म कैश मिले के प्रदेश म ए पहली घटना हे. अतना बड़का रकम

कहां अउ काबर ले जाय जात रहिस हे. एखर खुलासा नइ हो पाइस हे. खल्लारी

पुलिस ह संदेह के आधार कार के तलाशी लीस, जेमा अतना बड़ संख्या म रकम

मिलीस हे. संदेह हे के ए पइसा हवाला के हो सकत हे, जेला खपाए के  कोशिश

करे जात हे.

कार उत्तर प्रदेश के बताए जात हे, ओखर रजिस्ट्रेशन यूपी के है. फिलहाल

खल्लारी पुलिस ए मामला के पड़ताल करत हवय। कार के पाछू सीट के अंदर

तहखाना बनाए गे रहिस हे, जेमा 11 करोड़ रुपिया छुपाके रखे गे रहिस हे.

गिनती म ए रकम 10 करोड़ 90 लाख बताए जात हे. पूछताछ म मालूम पड़िस के, ए

रकम महासमुंद के रास्ता उड़ीसा ले यूपी ले जाय जात रहिस हे.

ए कार म ले तीन पुरुष अउ एक महिला ल हिरासत म लेके पूछताछ करे जात हे.

पूछताछ के बाद कुछु बड़का खुलासा हो सकत हे.