विधान सभा : सराब के ब्रांड ल ले के होइस बवाल

रायपुर। छत्तीसगढ़ विधानसभा म आज प्रदेश म बेचे जात सराब के ब्रांड ल

लेके बवाल होइस. जनता कांग्रेस के विधायक देवव्रत सिंह ह प्रदेश म सराब

होइस के आपूर्ति अउ भुगतान ल लेके सवाल करिस. ए बेरा म आबकारी मंत्री कवासी

लखमा के अनुपस्थिति म मंत्री मोहम्मद अकबर ह जवाब दिस। उमन कहिन, नियम म

प्रदेश म सराब के आपूर्ति अउ भुगतान होवत हे. सराब के बवाल के बीच प्रदेश

म ब्रांड वाले सराब के ब्रिकी नइ होय ले घलो सरकार के खेलाफ सवाल उठाइन। ए

सवाल ले सदन के माहउल गरमा गिस. भारी हंगामा के बीच मंत्री ह एखर जवाब

देना उचित नइ समझिस.

पंजीकृत बेरोजगार मन ल बेरोजगारी भत्ता देय के मामला उठिस

प्रदेश म पंजीकृत बेरोजगार मन ल बेरोजगारी भत्ता देय म घलो विपक्ष ह सवाल

खड़े करिन. ए सवाल म उच्च शिक्षा मंत्री उमेश पटेल ह बताइस, प्रदेश म 23

लाख 25 हजार पंजीकृत बेरोजगार  हे, बेरोजगारी भत्ता देय म अभु कोनो नीति

नइ बने हे. सरकार एमा काम करत हे. एखर बाद सत्ता पक्ष के जबाव सुनके

विपक्ष ह सदन म हंगामा अउ नारेबाजी शुरू कर दिस.

प्रदेश मे स्वच्छ भारत म कुल 31 लाख शौचालय के निरमान

विधानसभा म जानकारी दे गिस  के प्रदेश म स्वच्छ भारत मिशन म 31 लाख

शौचालय के निरमान कराए जा चुके हे. योजना म 1 लाख 54 हजार 499 हितग्राही

के भुगतान लम्बित हे। स्वस्थ्य मंत्री टीएस बाबा ह फंड होए म एक सप्ताह म

पूरा करे के आश्वसन दिस.