छत्तीसगढ़ी सिनेमा के दाई , भौजी अऊ बड़े बहिनी, नाम हे पुष्पांजलि , कलाकार मन के परेशानी ले हावे दुखी

जय जोहार रायपुर…. छत्तीसगढ़ी सिनेमा म पुष्पांजलि शर्मा के नाम कोनो परिचय के मोहताज नई हे ,पुष्पांजलि ह अब तक सौ ले भी जादा फिलिम मन म काम कर चुके हे , ओखर बेजोड़ अभिनय अऊ मिलनसार व्यक्तित्व के कारण ओला छत्तीसगढ़ी फिलिम के दर्शक मन बहुत पसंद करथे , पुष्पांजलि ह छत्तीसगढ़ी फिलिम म माँ ,भाभी अऊ बड़े बहिनी के किरदार ल बखूबी निभाथे ,आज लॉक डाउन के कारण बहुत कलाकार मन करा काम के आभाव हे जेखर कारण ओमन परेशान हे , पुष्पांजलि ह कलाकार मन के परेशानी ले दुखी हे अऊ सरकार ले गुहार लगाय हे कि ओ ह कलाकार मन के मदद बर आघू आय, पुष्पांजलि ह चिकित्सकीय व्यवसाय ले घलो जुड़े हे अऊ बेरा बेरा म फिलिम म अभिनय घलो करथे , नारी प्रधान फिलिम म काम करे के इच्छा राखे पुष्पांजलि शर्मा ल चरित्र अभिनेत्री के अवार्ड घलो मिले हे .